Поминаа седум години од смртта на Дивна Карлеуша, мајката на познатата српска пејачка Јелена Карлеуша, но болката по нејзиното заминување и понатаму е силно присутна во животот на пејачката.
Дивна почина на 3 март 2019 година, а куќата во белградската населба Алтина, во која ги поминала последните денови од животот, оттогаш останала заклучена.
Јелена во една од своите претходни телевизиски исповеди признала дека по смртта на мајка ѝ никогаш повеќе не влегла во нејзиниот дом.
Во емисијата „Во рингот“ пејачката открила дека сите предмети, спомени и работи што Дивна ги собирала во текот на животот останале на истото место.
„Сè за што мајка ми собираше и заработуваше во животот, сè за што се бореше, остана заклучено во нејзината куќа, а јас никогаш повеќе не влегов таму“, изјавила Јелена.
Таа признала дека загубата на мајка ѝ целосно го променила нејзиниот поглед кон материјалните вредности.
„Тогаш сфатив дека сè што имаме – накит, злато, автомобили, станови – е целосно неважно“, раскажала пејачката.
Дивна починала во својот дом додека Јелена се враќала од настап во Виена. По пристигнувањето во Белград, пејачката ја дочекала трагичната вест.
Соседите од населбата Алтина по нејзината смрт откриле дека Дивна живеела мирно, повлечено и без голема желба за јавна експонираност.
Еден од соседите тогаш изјавил дека последен пат ја видел неколку месеци пред нејзината смрт.
„Беше љубезна и секогаш со задоволство се поздравуваше кога ќе се сретневме, но последните четири месеци не ја видов“, раскажал тој.
Друга сосетка се присетила на денот кога починала Дивна, откривајќи дека забележала необично движење пред куќата.
Според нејзиното сведоштво, жена која престојувала во домот неколкупати излегувала надвор, по што пристигнала екипа на итната медицинска помош.
„Дури подоцна дознавме дека станува збор за Дивна. Многу ни е жал. Секогаш беше насмеана и културна“, изјавила сосетката.
Иако нејзината ќерка била една од најпознатите пејачки во регионот, Дивна настојувала да живее самостојно и да не зависи финансиски од неа.
Долги години работела како радиоводителка, а била позната и по поддршката што им ја давала на бројни естрадни уметници.
Јелена, пак, била исклучително приврзана за мајка си. Често патувале заедно, а пејачката се трудела да ѝ ги исполни желбите. За последниот роденден, заедно со тогашниот сопруг Душко Тошиќ, ѝ подарила автомобил.
Седум години подоцна, семејниот дом на Дивна останува место исполнето со спомени, во кое Јелена, според сопственото признание, не собрала сили повторно да влезе.
Пејачката досега не открила дали некогаш планира повторно да ја отвори куќата на својата мајка.
