Хрватската старлета Ава Карабатиќ повторно привлече внимание со сериозни обвинувања упатени кон својот партнер Лазар Иван. Таа на социјалните мрежи објави фотографија на која се гледа модринка на лицето и напиша дека повторно побарала помош од надлежните институции.
Карабатиќ тврди дека успеала да го напушти станот и дека по инцидентот се упатила во полиција. Во својата објава навела дека се здобила со повреда на лицето и изнела низа тешки обвинувања за наводно насилство и принуда.
Таа напишала дека во изминатите месеци, според нејзините тврдења, не станувало збор само за физичко или психичко насилство, туку и за други постапки што, како што наведува, биле направени против нејзина волја.
Карабатиќ исто така тврди дека немала пристап до своите документи, пари и вообичаениот начин на живот. Во долгата објава зборувала и за видеоснимки кои, според неа, биле објавувани без нејзина согласност и за кои тврди дека била принудена да учествува во нивното создавање.
Таа побарала разбирање од јавноста, наместо финансиска помош, и навела дека планира да побара заштита и да обезбеди нова лична документација, по што би се обидела да најде безбедно место за престој и работа.
Во својата исповед Карабатиќ се осврнала и на односот со своето семејство, особено со мајка ѝ, со која, како што тврди, во одреден период го прекинала контактот. Таа истакнала дека се чувствувала осамено и дека нејзината ранливост била искористена.
Ава и Лазар и претходно имаа турбулентна врска проследена со јавни расправии и обвинувања. Во април годинава, таа исто така јавно тврдеше дека била физички нападната од него и случајот го пријавила во полиција. Подоцна двајцата повторно се зближиле.
Но, приказната добила нов пресврт по нејзината најнова објава.
Српски медиуми, повикувајќи се на сведок, објавија дека само неколку часа по тешките обвинувања Карабатиќ повторно била видена со Лазар во кафеана во близина на белградскиот Клинички центар.
Според сведоштвото на анонимен извор, двајцата седеле заедно, пиеле алкохол и во еден момент се расправале пред останатите гости. Наводно, во ситуацијата се вмешал и друг маж кој се обидел да ги смири.
Очевидецот тврди дека по расправијата тие повторно се смириле и заедно го напуштиле локалот.
Иако ваквите информации се појавија во медиумите, важно е да се нагласи дека станува збор за тврдења и сведоштва, додека надлежните институции треба да ги утврдат сите околности и факти поврзани со обвинувањата на Карабатиќ.
Нејзините најнови јавни тврдења повторно го отворија прашањето за нивната нестабилна врска, која и во минатото беше проследена со раскинувања, помирувања и сериозни меѓусебни обвинувања.
