Познатата пејачка Дуа Липа моментално престојува во Париз за време на Неделата на модата, каде привлече огромно внимание со своето смело и предизвикувачко модно издание. За еден од своите излегувања, таа избра јорговано-виолетов проѕирен топ без градник, темновиолетови кратки панталони и хулахопки во истата нијанса.
Комбинацијата ја надополни со виолетова јакна со апликации, додека златните синџири на панталоните беа упечатлив детаљ кој го заокружи целиот изглед.
Музика, мода и дружење во Париз
Дуа Липа на својот инстаграм-профил објави галерија од фотографии со опис: „Зафатена со тоа што сум зафатена во Париз“. На фотките откри моменти од музичкото студио, вечерата со пријателите и дружењето со Кристен Виг, Педро Паскал и Никол Кидман на една од модните ревии.
Посебно внимание привлече видеото на кое четворицата по ревијата пеат заедно со песната „Nicole Kidman“ од Британката Адел, видео кое за кратко време стана вирусно.
Нејзиниот монохроматски виолетов аутфит предизвика лавина реакции, собирајќи над 800.000 лајкови за само 12 часа. „Опседнат сум“, „Тело, став и харизма“ и „Зошто си толку спектакуларна?“, беа дел од коментарите на нејзините обожаватели, кои ја прогласија и за „кралица на модата“.
„Модата понекогаш ми служи како штит“
Пејачката со години е позната по своите модни експерименти. Во интервју за Refinery29, таа претходно истакна дека облеката ѝ овозможува да си ја изрази сопствената личност:
„Модата понекогаш може да ти даде чувство на непобедливост. Понекогаш ми служела како штит. Таа е алатка со која се пронаоѓам себеси и се изразувам на начин на кој со зборови никогаш не би можела“, изјави таа, додавајќи дека не сака рамки и строго дефиниран стил. „Уметникот треба да ја носи облеката, а не обратно.“
Уживаат во брачниот живот
Покрај модните ангажмани, Дуа Липа го минува времето и со својот сопруг Калум Тарнер. Двојката стапи во брак годинава, со граѓанска церемонија во Лондон кон крајот на мај и голема прослава за семејството и пријателите на Сицилија.
Тарнер неодамна го опиша нивното венчавање како „најубавиот ден во животот“, додавајќи дека луѓето постојано им честитаат на улица, што за нив е прилично надреално, но се трудат да уживаат во сопствената среќа подалеку од медиумскиот притисок.
