Бојан Јовановски, познат како Боки 13, повторно се враќа на голема врата! Денеска тој официјално потпиша договор со Саша Мирковиќ, сопственикот на Хајп продукција и Хајп телевизија, со што стана нов член на жирито во најочекуваното музичко шоу „Хајп Ѕвезди“.
На потпишувањето, Мирковиќ откри дека Боки ќе има уникатна улога во жирито, но засега не сакаше да открие детали: „Ова ќе биде нешто што никој досега не го направил. Очекувајте најголемо шоу во регионот!“, изјави тој.
Боки 13, видливо воодушевен, изјави дека Хајп телевизија е империја, а Мирковиќ е „император на шоу-бизнисот“. „Фасциниран сум од тимот, техниката и организацијата. Верувам дека ова ќе биде најзабавно и најгледано шоу во регионот. Замислете ме мене со Лепа, Лукас, Мира, Соња и Сашиќ – тоа ќе биде невидена енергија! Ако се приклучи и Ана Николиќ, гарантирам дека по ова ниту едно шоу нема да биде како Хајп Ѕвезди“, изјави Боки 13 со насмевка.
Соработката на овие двајца контроверзни, но влијателни имиња во регионалната сцена предизвика вистинска бура на социјалните мрежи, а многумина веќе најавуваат дека ова шоу ќе го промени телевизискиот пејзаж во цел Балкан.
