Денес го славиме 79-тиот роденден на Шенка Колозова, жената чиј глас и талент го оживеа македонскиот народен фолклор и му даде душа на сцената. Родена е 1 февруари 1947 година во Добрево, Пробиштипско, како ќерка на Стоица и Катерина Станојкови.
По завршување на студиите на Филозофскиот факултет во Скопје, во 1968 година се омажила за Ѓорѓи Колозов, со кого го создава семејството и добива ќерките Катерина и Кристина.
Шенка ја поминува целата своја професионална кариера како актерка во театрите во Штип и Куманово, а подоцна и во Македонскиот народен театар во Скопје, од каде се пензионира, оставајќи неизбришлив белег во македонската култура.
Низ годините оставила импресивен опус:
- Над 100 премиери
- Повеќе од 6.000 изведби
- Десетици антологиски улоги, меѓу кои: „Свирачот на покрив“, „За сите мои синови“, „Електра“, „Сè за градината“, „Печалбари“…
- Авторка и драматизаторка, вклучително и на народните приказни на Цепенков
- Играла во бројни ТВ драми, емисии, филмови и серии
За публиката, таа засекогаш останува неприкосновената Царица од „Македонските народни приказни“, култниот серијал кој го создаде заедно со сопругот Ѓорѓи Колозов.
Нејзината работа е наградена со бројни признанија, меѓу кои:
- Награда на фестивалот „Војдан Чернодрински“ (1971)
- „Гран при“ (2006)
- „Св. Јоаким Осоговски“ (2012)
- Почесен граѓанин на Пробиштип (2017)
- Награда за животно дело „Васил Иљоски“ (2020)
- Награда за животно дело за Театар „Колозов“ (2021)
Среќен роденден, Шенка Колозова! Твојата сцена, приказни и бесмртен придонес во македонската култура ќе живеат засекогаш.
