Во селото Магарево, Битолско, пронајдени се две артилериски гранати и една рачна бомба кои потекнуваат од Првата светска војна.
Случајот бил пријавен во СВР Битола на 3 октомври околу 11:40 часот, откако во село Магарево биле откриени старите експлозивни средства.
На местото интервенирал пиротехничар од Дирекцијата за заштита и спасување – Битола, кој безбедно ги подигнал пронајдените средства.
По извршената проверка било утврдено дека станува збор за две артилериски гранати и една рачна бомба од Првата светска војна.
