Двајца малолетници на возраст од 16 години од Скопје биле приведени откако се степале во угостителски објект на подрачјето на општина Центар.
Инцидентот се случил во текот на ноќта, а случајот бил пријавен во полиција. На 4 октомври околу 00:30 часот, полициски службеници од СВР Скопје ги привеле двајцата 16-годишници.
Според пријавеното, тие во угостителскиот објект го нарушиле јавниот ред и мир со меѓусебна физичка пресметка.
Малолетниците биле приведени во полициска станица, а полицијата продолжува со расчистување и документирање на случајот.
По целосното утврдување на фактите и околностите, против нив ќе следуваат соодветни поднесоци.
