Замислете летало со распон на крила поголем од Боинг 747, кое може да остане во воздухот цели три дена без да слета – исклучиво користејќи сончева енергија. Ова е реалност создадена од стартапот Skydweller Aero, кој поставува нови стандарди во авијацијата. Целта на проектот е дрон што ќе слетува само кога навистина е потребно одржување, овозможувајќи речиси непрекинат лет.
Американската морнарица веќе ја тестира новата машина за континуиран надзор над илегални активности, како криумчарење и пиратство, особено во регионот на Латинска Америка и Карибите. Skydweller, со поставени сензори, може да лета денови без враќање на база, што го издвојува од конвенционалните дронови.
Овој дрон е целосно електричен и користи 17.000 соларни ќелии на крилјата, кои генерираат до 100 киловати енергија. За споредба, воениот дрон RQ-4 Global Hawk може да остане во воздухот околу 30 часа, додека Skydweller леташе 74 часа со еден полет, користејќи 1.400 килограми батерии што сочинуваат 25% од неговата носивост. Додека денот трае, сончевата енергија го напојува дронот и ги полни батериите, а навечер тие ја превземаат функцијата – овозможувајќи вистински „вечен лет“.
Воената примена е огромна: континуиран надзор, невидливо присуство и поддршка за GPS мисии. Skydweller може да набљудува цели локации со месеци, слетајќи само за сервисирање. Овој „летечки чувар“ овозможува армиите и безбедносните агенции постојана поддршка, каде секунда е критична.
Но потенцијалот на Skydweller не е само во војската. Тој може да обезбеди интернет во тешко достапни региони без да користи сателити, да спроведува научни истражувања на оддалечени локации и да овозможи следење на податоци без нарушување на орбитата на Земјата. Со вакви дронови, иднината на леталата што никогаш не слетуваат е веќе тука.
