Дарио Стојаноски, 7-годишно момче од Прилеп, со својот хуман потег покажа дека најчистата љубов доаѓа од детското срце. Дарио одлучи да ја скрати косата која ја растел цели седум години и да ја донира на холандската организација “Haarwensen”, која изработува перики за деца болни од рак.
Со поддршка од семејството, Дарио ја скратил косата, ја сплетил во плетенка и сега истата патува до Холандија, за да ги израдува децата на кои најмногу им е потребна.
Малото момче е пресреќно што со својот потег ќе донесе радост и надеж. Тој се надева дека неговиот пример ќе инспирира и други деца да ги растат косите и да ги донираат на оние кои се соочуваат со болеста.
Браво, Дарио! Твоите родители имаат со што да се гордеат!
