Британските медиуми објавија нови информации за наводниот договор меѓу Велика Британија и Северна Македонија, според кој Македонија би прифаќала мигранти кои британските власти ќе ги оценат како неподобни за влез во Обединетото Кралство.
Северна Македонија, според пишувањата на „Дејли Експрес“, пристапила претпазливо и прагматично, откако други балкански земји како Албанија и Босна и Херцеговина одбиле директно учество поради ограничените капацитети и заштита на националните интереси.
Владата на Британија, како што се наведува, барала безбедносни гаранции и инвестиции во замена за соработка, што ја отсликува дипломатската комплексност и чувствителност на прашањето.
Според договорот, Велика Британија би исплаќала до 20.000 фунти по депортиран мигрант, што би служело за покривање на трошоците за престој и како дополнителна мотивација за соработка. Договорот предвидува формирање на „повратни центри“ кои имаат за цел да го забрза процесот на депортирање на лица кои немаат легално право да останат во Велика Британија.
Инсајдерските извори наведуваат дека овој договор е првиот од ваков тип за Обединетото Кралство и претставува промена кон модели на процесирање на мигранти надвор од британска територија, што претходно било тестирано во други европски земји преку различни модели на релокација.
Овој договор го поставува Северна Македонија како партнер на Британија во управувањето со миграциските текови, со финансиска и институционална поддршка како дел од пробниот период на соработката.
