Во текот на денешниот ден, службите на Општина Кавадарци, во соработка со Здружението за заштита и унапредување на животната средина „Еко Живот“, спроведуваат голема информативна акција во централното градско подрачје.
Преку делење едукативни флаери, граѓаните директно се запознаваат со штетните влијанија од загадувањето на воздухот, како и со конкретните начини на кои секој поединец може да придонесе за негово намалување и заштита на здравјето.
Од локалната самоуправа потсетуваат дека чистиот воздух е грижа на сите нас:
„Чистиот воздух е заедничка одговорност! Со правилно загревање на домаќинствата, одговорно однесување и подигнување на еколошката свест, сите заедно можеме да придонесеме за намалување на загадувањето и создавање поздрава животна средина.“
