Голема трагедија го погоди семејството Шќеповиќ од селото Кратово кај Прибој, кога во пожар изгоре нивната семејна куќа, а живот загуби слепиот и непокретен член на семејството.
Како што за „РИНА“ раскажа Сузана Шќеповиќ, пожарот избил во куќата во која живееле родителите на нејзиниот сопруг, а огнот се проширил многу брзо.
„Пожарот изби во куќата каде што живееја родителите на мојот сопруг. Огнот брзо се ширеше. Свекрвата некако успеа да излезе од пламенот и да прејде кај нас во куќата до нас, но свекорот беше слеп и непокретен и, за жал, настрада во пожарот. Ова е навистина голема трагедија за нас“, изјави Сузана.
Пожарникарите набрзо стигнале на местото на настанот и се обиделе да го локализираат пожарот, но, како што наведува соговорничката, било премногу доцна за да се спаси нејзиниот свекор.
Во оваа трагедија семејството Шќеповиќ остана без член на семејството, но и без својот семеjан дом.
По несреќата, бројни луѓе со добра волја се вклучија во акцијата за собирање помош за да им овозможат да ја обновуваат куќата и повторно да обезбедат кров над главата.
На социјалните мрежи е покренат хуманитарен апел, а сите што сакаат да му помогнат на семејството Шќеповиќ можат да уплатат средства на сметката 200-41738774-30, на име Сузана Шќеповиќ.
Официјалната причина за пожарот сè уште не е потврдена.
