Основното јавно обвинителство Скопје покрена истражна постапка против тројца осомничени за изнуда. Првиот осомничен, во периодот од 16 до 18 септември, се претставил како член на криминална група и му побарал на оштетениот 1.000 евра за „заштита“ од други лица, заканувајќи се со смрт и запалување на куќата. Оштетениот првично му дал 30.000 денари, а потоа пријавил во полиција.
При предавање на остатокот од парите, осомничениот е уапсен на лице место со пронајдени парите. Истражната постапка опфаќа и две други лица кои во повеќе наврати изнудувале 27.000 евра од истото лице, убедувајќи го дека парите се наменети за трети лица.
Јавниот обвинител предложи притвор за првиот осомничен и мерки на претпазливост за останатите двајца, вклучувајќи задолжително јавување во суд и забрана за приближување до оштетениот и неговото семејство.
