Во СВР Битола вчера околу 13:30 часот, 83-годишен битолчанец пријавил дека бил измамен за сума од 10.000 евра.
Според пријавата, лице му се јавило, се претставило како лекар и му кажало дека неговата внука паднала по скали и се здобила со тешки телесни повреди, поради што била потребна итна операција. Битолчанецот му ги дал парите на лице кое дошло пред неговата врата.
Подоцна, кога се слушнал со својот син, сфатил дека бил измамен. Полицијата соопшти дека презема мерки за расчистување на случајот.
