По повод Светскиот ден на срцето (29 септември), министерот за здравство, Сашо Клековски, денеска учествуваше на панел-дискусијата одржана во „Europe House“.
Кардиоваскуларните болести и понатаму остануваат една од главните причини за предвремена смртност, иако голем дел од овие случаи можат успешно да се спречат со правовремена превенција и навремена реакција.
Како што беше истакнато на панелот, клучниот одговор за зачувување на срцевото здравје лежи во три основни столбови:
- Превенција: Воведување мерки како што се забрана за пушење, обезбедување здрава храна во училиштата и воведување данок на додаден шеќер во пијалоците;
- Редовни превентивни прегледи: Навремено следење на здравствената состојба кај граѓаните;
- Ран препознавање на симптомите: Едукација на јавноста за знаците кои честопати се игнорираат, а можат да спасат живот.
Настанот беше организиран од страна на Македонското здружение по кардиологија, со поддршка од Министерството за здравство и Светската здравствена организација (WHO North Macedonia).
