Министерот за здравство Сашо Клековски оствари средба со амбасадорот на Франција, Н.Е. Кристоф Ле Риголер, на која се разговараше за актуелните приоритети во здравствениот сектор и можностите за понатамошна соработка.
Во фокусот на средбата биле состојбата и реализацијата на капиталните проекти во здравството, како и областите во кои може дополнително да се развива соработката со Франција.
Клековски и францускиот амбасадор размениле мислења и за тековните предизвици и планови поврзани со развојот на здравствениот систем.
Министерот му се заблагодари на амбасадорот Ле Риголер за посетата и за искажаната подготвеност за продолжување на соработката меѓу двете земји во областа на здравството.
