Био Пазарот во Кавадарци влегува во својата завршна фаза на изградба, а градежните активности на терен се одвиваат со забрзано темпо.
Со реализацијата на овој важен капитален проект, Општина Кавадарци добива современ, уреден и сертифициран простор наменет за сите локални земјоделци, органски производители и мали семејни бизниси. Овој пазар ќе им овозможи на производителите директно да ги пласираат своите производи до граѓаните, без дополнителни посредници, обезбедувајќи фер цени и поголема доверба кај потрошувачите.
Преку оваа значајна инвестиција, Општина Кавадарци директно вложува во здравјето на своите граѓани, дава силна поддршка на домашните производители и поттикнува одржлив развој на локалната економија.
Вкупната инвестиција на Општина Кавадарци за овој проект изнесува 26.500.000 денари + ДДВ.
