Регулаторната комисија за енергетика објави нова корекција на цените на горивата, при што од вечерва на полноќ следува значително намалување на цената на дизелот, додека бензините ќе поскапат за половина денар.
Според пресметките направени согласно методологијата на РКЕ и мерките за ублажување на глобалните ценовни промени на нафтените деривати, просечното намалување на цените изнесува 3,84 проценти.
Цената на ЕУРОСУПЕР-95 се зголемува за 0,50 денари и од полноќ ќе се продава за 88 денари по литар, додека ЕУРОСУПЕР-98 ќе чини 90 денари за литар.
Најголемата промена е кај дизел горивото, кое поевтинува за 6,5 денари по литар. Така, новата цена на ЕУРОДИЗЕЛ од полноќ ќе изнесува 85,50 денари за литар.
Новите цени стапуваат на сила вечерва по полноќ и ќе важат до следната одлука на Регулаторната комисија.
