Во текот на ноќта во Скопје се случија два одделни инциденти во кои беа опожарени патнички возила од марката „Ауди“. Министерството за внатрешни работи соопшти дека пожарите се случиле на различни локации и без повредени лица.
Првиот случај бил пријавен околу 02:00 часот на улицата „Христо Татарчев“, каде било запалено „Ауди“ со скопски регистарски ознаки, сопственост на 20-годишниот Г.Ч. од Скопје. Пожарот бил изгаснат од екипа на Бригадата за противпожарна заштита Скопје.
Кусо потоа, околу 03:30 часот, бил пријавен уште еден пожар на улицата „Лазар Димитров“, каде горело „Ауди А4“ сопственост на 61-годишната Р.Л.Г. И овој пожар бил изгаснат без пријавени повредени.
Во двата случаи извршен е увид од СВР Скопје, а истрагата за причините и околностите што довеле до пожарите е во тек.
