Тешка сообраќајна несреќа се случила доцна вечерта на патниот правец Гостивар – Маврово, по што на местото пристигнале полициски и медицински екипи.
Според првичните и неофицијални информации што ги пренесуваат локалните медиуми, постои сомнение дека во несреќата има и загинати лица. Сепак, засега нема официјална потврда од надлежните институции за евентуални жртви, ниту информации за бројот на повредени.
На местото на несреќата е забележано засилено присуство на полицијата, како и возило на Итната медицинска помош.
Надлежните служби работат на утврдување на причините и околностите под кои дошло до несреќата.
Повеќе детали се очекуваат по официјалното соопштение од надлежните институции.
