НЛБ Банка АД Скопје на 25 јуни 2025 година изврши исплата на дивиденда на своите акционери, согласно одлуката донесена на Собранието на акционери одржано на 29 мај. Вкупниот износ на исплатената дивиденда изнесува над 2,2 милијарди денари, односно 2.217.142.356 МКД.
Секој акционер доби бруто износ од 2.596 денари по акција. Исплатата е извршена за сите акционери кои имаат сметки во НЛБ Банка, како и за оние кои навремено доставиле валидни инструкции за исплата.
Од банката апелираат акционерите да ги проверат своите сметки за да потврдат дека средствата се уплатени.
