Граѓаните на Македонија наскоро ќе уживаат во продолжен викенд, бидејќи 8 декември (понеделник) – „Св. Климент Охридски“, е прогласен за државен неработен ден за сите. Ова ќе биде последната прилика во годината за подолг одмор пред новогодишните празници.
До крајот на 2025 година преостануваат уште неколку неработни денови, но тие важат само за одредени заедници во државата:
- За граѓаните од католичка вероисповед, неработен ќе биде 25 декември (четврток) – првиот ден на Божик.
- За припадниците на албанската заедница, неработен ден ќе биде 22 ноември (сабота) – Ден на албанската азбука.
- За припадниците на турската заедница, празникот 21 декември (недела) – Ден на настава на турски јазик, ќе биде нивен неработен ден.
Со овие празници, годината полека се заокружува, а граѓаните ќе имаат можност да ги искористат последните денови од 2025-та за одмор, патување или семејно дружење пред стартот на новата година.
