Сериозен инцидент бил пријавен вчера околу 14:00 часот во СВР Скопје. Според информациите од полицијата, во автобус на ЈСП Скопје кој сообраќал низ село Кондово, општина Сарај, шест лица физички нападнале 15-годишно момче од селото Радуша.
По нападот врз малолетникот, групата лица физички го нападнала и возачот на автобусот, Р.Ф. (38), исто така од Радуша, кој се обидел да интервенира и да го смири инцидентот.
За случајот е известена полицијата, а надлежните служби преземаат мерки за целосно расчистување на настанот и утврдување на одговорноста на напаѓачите.
