На популарниот ТикТок-профил @funniest.everyday се појави видео што за кратко време стана вистински хит. Наместо маче или куче, главниот јунак на снимката е – крава, која покажува неверојатна блискост и приврзаност кон својот сопственик.
На видеото се гледа како човекот мирно разговара со кравата, ја гали и ја нарекува свој пријател, додека таа нежно ја трие главата од него, како вистинско домашно милениче. Атмосферата е толку топла и природна, што гледачите коментираат дека изгледа како сцена со верен пес – а не со животно од фарма.
Снимката предизвика вистинска вирална бура – илјадници коментари, милиони прегледи и лавина позитивни реакции. Корисниците со симпатии пишуваат дека „ова е најсреќната крава на светот“ и дека „љубовта нема вид“.
Видеото уште еднаш потврдува – понекогаш најнеобичните пријателства се и најискрени!
