Џеф Безос и Лорен Санчез се венчаа на луксузна церемонија во Венеција, која веќе се нарекува „настан на годината“. Во градот на каналите пристигнаа над 200 славни гости од Холивуд и светската елита, а свадбата се претвори во повеќедневен спектакл со забава на мегајахта вредна 500 милиони долари.
Во морето на гламур, неколку ѕвезди се истакнаа со својот стил и модна суптилност. Еве ги петте најдобро облечени гости:
Том Брејди, Поранешниот НФЛ шампион покажа дека едноставноста може да биде најголемата елеганција. Носеше класична бела кошула со црни панталони, а стилот го заокружи со каки сако и темни очила – совршен изглед за летна италијанска свеченост.
Карли Клос Моделот Карли Клос, иако бремена, блескаше во нежно розева свилена креација. Додека се држеше за рака со сопругот Џошуа Кушнер, со стилот ја потврди титулата на икона на елеганција и женственост.
Кралицата Ранија од Јордан Секогаш отмена, кралицата Ранија носеше деликатен фустан со мрежести елементи и розов шал врзан напред. Фустанот, во комбинација со чантата во иста нијанса, беше симбол на достоинствена луксузност.
Орландо Блум Слободниот Орландо привлече внимание со неговиот лежерен, но софистициран изглед – светли беж панталони, бела кошула и соодветно сако, надополнети со негувана кратка фризура.
Дајана фон Фирстенберг Легендарната дизајнерка се појави во шик летна комбинација: црн фустан со шарени детали и транспарентна марама во живописни бои. Без двоумење – совршен избор за венчавка покрај море.
А младенците? Со буџет без лимити, Лорен и Џеф изгледаа беспрекорно – нивниот изглед одеше рамо до рамо со раскошот на настанот кој го собра светскиот џет-сет.
