Православните верници во сабота ќе ја одбележат Митровденската задушница, ден посветен на молитва и споменување на сите починати. Овој ден е еден од четирите црковни задушници во годината, кога верниците се собираат да се молат за душите на упокоените.
Задушницата секогаш се одржува во сабота, денот што Црквата го определила за помен и молитва за починатите. На овој ден, верниците присуствуваат на литургија и парастос во црквата, а потоа се упатуваат кон гробиштата. Таму се принесува молитва, пченица и осветено лепче со црвено вино како израз на спомен за покојните.
Освен тоа, на Задушница се дава милостина на сиромашните во име на упокоените, а се смета дека секоја молитва и дарувана помош ја олеснува душата на починатите.
Митровденската задушница традиционално се празнува во саботата пред празникот Митровден. Историјата на овој ден датира од XIV век, кога рускиот празник првпат ја одбележал сеќавањето на православните војници кои паднале во одбрана на верата и татковината. Меѓу нив биле и монасите Александар Пересвјат и Ослабја, кои загинале во битката со Мамаите на Куликовското поле во 1380 година. По победата, Димитриј Јованович Донски предложил секоја година да се извршува помен во саботата најблиску до празникот на свети Димитриј.
Со текот на времето, Митровденската задушница прераснала во ден кога се споменуваат сите починати, не само војниците, и станала дел од вселенските родителски саботи.
Црквата предупредува дека на овој ден не смее да се занемари почитта кон гробовите. Се верува дека е голем грев ако некој одбие да земе храна од гробот или, пак, избрка туѓинец од гробното место.
Не дознавај последен- читај ПРВ.мк
