Познатиот пејач Халид Бешлиќ, кој се бореше со тешка болест, почина на 13 октомври, а на неговото последно испраќање и комеморација присуствуваа десетици илјади луѓе.
Негов долгогодишен пријател, пејачот Халид Муслимовиќ, откри дека според зборовите на докторот Џајиќ, трагичната смрт можела да се спречи. „Ми рече: ‘Овој живот беше евтино продаден.’ Ако беше санирано навреме… тоа беа ситници. Но сега него го нема и тоа повеќе ништо не значи. Останаа неговите песни, неговиот лик и сеќавањата на нашите заеднички концерти“, изјави Муслимовиќ за списанието „Scandal“.
Тој се присети и на последниот разговор со Бешлиќ, кога се обидувале да ја одржат позитивната атмосфера и да се смеат, иако ситуацијата била сериозна. Два дена пред смртта, Муслимовиќ разговарал со син му Дино, кој му открил дека состојбата на татко му е критична.
Оваа трагедија ги потресе обожавателите и колегите на Халид Бешлиќ, оставајќи голема празнина во музичката сцена.
