Постапките и политиките на Доналд Трамп често предизвикуваат контрадикторни реакции, а понекогаш и разлики со неговата сопруга Меланија стануваат јавно видливи. Најновиот таков случај е поврзан со реновирањето на источното крило на Белата куќа и изградбата на нова сала за бал.
Претседателот на САД ја иницирал промената, што предизвикало голема огорченост поради високите трошоци и непотребноста на проектот. Меланија, пак, јасно покажала дека не го одобрува реновирањето и дека нема никаква врска со плановите на сопругот. Според Wall Street Journal, првата дама инсистирала дека нејзината улога е ограничена на редизајнирање на домот на Првото семејство, но не и на драстични интервенции како оваа.
Белата куќа соопшти дека Трамп сака да ја направи зградата пофункционална и поубава за идните генерации, додека критичари, меѓу кои и Хилари Клинтон, го нарекуваат проектот неодговорен и непотребен.
Реновирањето, проценето на речиси 350 милиони долари, директно влијае на Меланија, чии канцеларии во источното крило сега се преместени во друга зграда. Некои оцени дека ова вмешување е доказ дека претседателот ја смета првата дама за незначајна, а нејзината тишина на ова прашање само ја потенцира разликата во нивните позиции.
