Норвешката крунисана принцеза Мете-Марит, сопруга на крунскиот принц Хаакон, според новообјавената книга „Бели пруги, црни овци“ од двајца норвешки новинари, години наназад го прикривала криминалното однесување на својот син од претходна врска, Мариус Борг Хоиби. Книгата повторно го разгоре скандалот околу најмладата кралска династија во Скандинавија и го откри системското штитење на „бонус-принцот“ од правдата.
Кога 28-годишниот Хоиби бил првпат уапсен на 4 август 2024 година за напад врз тогашната девојка, Мете-Марит го повикала пред да пристигне полицијата и го предупредила за претстојното апсење. Полицијата подоцна нашла расипан мобилен телефон без SIM картичка, што укажува дека Хоиби бил добро информиран однапред.
Норвешките прописи наложуваат Службата за полициско обезбедување (PST) да го извести судот и кралот, но не и самиот Хоиби. Сепак, престолонаследникот Хакон и Мете-Марит очигледно имале информации пред апсењето, а Мете-Марит дури го „исчистила“ станот пред пристигнувањето на полицијата. Поради овие настани, PST одлучила да го заобиколи кралското семејство при второто апсење на бонус-принцот во ноември 2024 година, кога Хоиби бил обвинет за силување.
Авторите на книгата тврдат дека Хоиби продавал кокаин во центарот на Осло во 2023 година, а полицијата наводно тоа го прикрила. Адвокатите признаваат дека принцот е зависник од дрога, но категорично го негираат трговијата. Бонус-принцот е обвинет за 32 кривични дела, вклучувајќи четири случаи на силување. Истражителите откриле видео со сексуално злоставување на пијана или дрогирана жена, како и над 800 други „интимни“ видеа кои Хоиби и неговите пријатели ги споделувале меѓусебно.
PST верува дека овие материјали, доколку паднат во погрешни раце, можат да се користат за изнуда или притисок, поради што неговиот начин на живот и криминалните врски се сметаат за закана за националната безбедност.
Заштитниците на Хоиби го критикуваат објавувањето на книгата како собрание гласини и полувистини, додека авторите тврдат дека се уверени во точноста на информациите. Книгата ја истакнува долготрајната заштита што принцот ја добивал од семејството и полицијата, додека неговите пријатели се вклучувале во криминални активности.
Мете-Марит и Хакон имаат две деца: принцезата Ингрид Александра (21) и принцот Свере Магнус (20). Судскиот процес на Хоиби е закажан во Окружниот суд во Осло од 3 февруари до 14 март следната година.
Не дознавај последен- читај ПРВ.мк
