Ако парфемот најчесто го нанесувате само на вратот или зглобовите, постои уште една едноставна техника која може да помогне мирисот подобро да се распоредува околу телото.
Станува збор за таканаречениот метод на „превртен триаголник“. Наместо повеќе прскања на исто место, парфемот се нанесува на три точки – еднаш на левото рамо, еднаш на десното и еднаш во пределот на градите.
Трите точки формираат замислен превртен триаголник, а идејата е мирисот да не биде концентриран само на мала површина.
Со движењето и природната топлина на телото, мирисните ноти постепено се ослободуваат од различни точки, поради што парфемот може да остави порамномерна мирисна трага.
Сепак, постои уште една навика што треба да се избегнува – триењето на кожата веднаш по нанесувањето. Ова особено често се прави кога парфемот се нанесува на зглобовите. Подобро е да го оставите природно да се исуши.
Исто така, повеќе прскања не значат дека парфемот автоматски ќе трае подолго. Трајноста зависи од концентрацијата и составот на мирисот, кожата, температурата и други фактори.
Затоа, понекогаш не е потребно да нанесете повеќе парфем – доволно е подобро да изберете каде ќе го нанесете.
