Класичната комбинација од џин и тоник повторно се најде во фокусот на вниманието, откако група експерти ја анализираше и ја прогласи за еден од „најмалку штетните“ алкохолни избори. Според нив, токму едноставниот состав на пијалакот го издвојува од тешките пива и високо-засладените коктели што доминираат во ноќниот живот.
Во споредба со останатите алкохолни пијалаци, џинот – како бистар алкохол – содржи значително помалку конгенери, соединенија поврзани со потешки мамурлаци и посериозни последици следниот ден. Дополнително, тоникот најчесто има помалку калории и шеќери отколку разни овошни миксови и слатки коктели, што го прави овој напиток „полесна“ опција за оние што внимавaат на внесот на шеќер.
Друг фактор што експертите го издвојуваат е горчливиот вкус, кој природно ја забавува брзината на консумација. За разлика од лесните и слатки пијалаци што се пијат брзо, џин-тоникот ретко се трошат во големи количини за кратко време, што дополнително го намалува ризикот од претерано пиење.
Но и покрај тоа, лекарите предупредуваат дека оваа анализа не треба да ги доведе луѓето во заблуда. Ниеден алкохолен пијалак – без оглед на типот – не може да се смета за „здрав“. Според водечките здравствени организации, нема безбедно ниво на алкохолна консумација. Дури и умереното пиење е поврзано со зголемени здравствени ризици, вклучувајќи болести на срцето, рак и нарушувања на метаболизмот.
Заклучокот е јасен: ако веќе избирате да пиете, џин-тоник навистина може да биде поразумен избор во однос на други пијалаци. Но од аспект на здравјето, најдобрата препорака останува иста – што помалку алкохол, толку подобро.
