Перењето на 40°C одамна се смета за „стандард“ и најчесто корисниците по навика ја избираат оваа програма за секојдневна гардероба. Но според експертите, токму оваа температура најбрзо ја оштетува облеката и создава непотребни трошоци.
Ткаенините многу побрзо се џвичкаат, ги губат боите и се растегнуваат токму при перење на 40°C, особено кај деликатни, тенки и скапи материјали. Дополнителен проблем е и зголемената потрошувачка на енергија – машината троши многу повеќе струја за да ја достигне оваа температура, што го подига сметката и го зголемува негативното влијание врз животната средина.
Современите детергенти и новите програми за перење се создадени така што нечистотијата се отстранува ефикасно и на многу пониски температури. Често е доволно перење на 20 или 30 степени за редовно валкана облека. За потешки дамки, експертите препорачуваат претходно третирање со средство, а потоа користење подолга програма – без потреба од зголемување на температурата.
Перењето на пониски температури не само што ја штити структурата на ткаенините, туку значително го продолжува и животниот век на гардеробата. Истовремено, се намалува потрошувачката на енергија и се прави видлива заштеда.
Препораката е јасна: повеќето парчиња облека немаат потреба од перење на 40°C. Преминувањето на 20–30°C е поекономично, побезбедно и многу поефикасно за долговечноста на облеката.
