Дакота Џонсон откри интересен детал од подготовките за улогата на Анастасија Стил во првиот филм од серијалот „Педесет нијанси сиво“.
Актерката признала дека за потребите на голите сцени одлучила да задржи природен изглед, бидејќи сметала дека тоа повеќе одговара на ликот што го толкувала.
За ова зборуваше за време на гостувањето во шоуто „Hot Ones Versus“, каде учесниците мораат или искрено да одговорат на непријатно прашање или да изедат екстремно луто пилешко крилце.
Џонсон објаснила дека во првиот филм имало сцени со голотија и дека Анастасија Стил, според нејзиното видување на ликот, не требало да изгледа како личност која редовно оди на интимна депилација.
Со ова актерката повторно отвори тема за која филмската екипа низ годините давала различни објаснувања.
За време на промоцијата на филмот во 2015 година, Џонсон зборувала и за бројните депилации низ кои поминувала за снимањето, додека режисерката Сем Тејлор-Џонсон објаснувала дека изгледот на Анастасија бил внимателно приспособуван на развојот на нејзиниот лик.
Директорот на фотографија Шејмус Мекгарви, пак, претходно открил дека актерката користела заштитен додаток при снимањето на интимните сцени, а одредени визуелни детали подоцна биле доработувани дигитално во постпродукција.
Новото признание на Џонсон дојде додека таа гостуваше во шоуто заедно со Џош Хартнет, а Ен Хатавеј ја имаше улогата на судија.
Тројцата актери во моментов го промовираат трилерот „Verity“, филмска адаптација на романот на Колин Хувер.
Во филмот Џонсон ја игра писателката Ловен Ешли, Ен Хатавеј ја толкува Верити Крафорд, додека Џош Хартнет се појавува во улогата на нејзиниот сопруг.
Џонсон веќе еднаш гостуваше во класичниот формат на „Hot Ones“, во јуни 2025 година, кога го промовираше филмот „Materialists“.
