Јелена Карлеуша и Душко Тошиќ повторно се најдоа во центарот на вниманието по заедничкото појавување на прославата на 18. роденден на нивната ќерка Атина, а сега се појавија информации и за тоа како дошло до подобрување на нивниот однос.
Според пишувањето на српски „Курир“, важна улога во надминувањето на несогласувањата меѓу поранешните сопружници имал адвокатот Никола Премовиќ.
Наводно, Премовиќ бил своевидна врска меѓу Јелена и Душко во текот на правните постапки и помогнал комуникацијата меѓу нив да помине без дополнителни тензии.
Самиот адвокат не сакал да навлегува во детали, нагласувајќи дека најважно е што Јелена и Душко се посветени родители.
„Ова е убав и посебен ден за семејството и драго ми е што сум дел од овој величествен момент. Не би рекол дека мојата улога е важна, Јелена и Душко се извонредни родители“, изјавил Премовиќ.
Токму полнолетството на Атина било уште една причина сите несогласувања да бидат оставени настрана. Јелена и Душко заедно се појавија на прославата и покажаа дека кога станува збор за нивните ќерки, Атина и Ника, сакаат да функционираат како родители без оглед на разводот.
Особено внимание привлече емотивното обраќање на поранешниот фудбалер. Душко призна дека поради кариерата и годините поминати надвор од Србија пропуштил голем дел од растењето на своите ќерки и јавно ѝ оддаде признание на Јелена.
„Ѝ благодарам и многу сум горд на Јелена. Јас поминав многу малку време со нив, особено затоа што играв надвор од Србија. Јелена прекрасно ги воспита“, рекол Тошиќ.
Подоцна, пред гостите, тој директно ѝ се обратил на поранешната сопруга со зборовите:
„Тебе, мамо, ти честитам и ти благодарам што ми роди две принцези.“
Емотивните моменти, прегратките и нивниот близок однос на прославата предизвикаа големо внимание во јавноста, но според објавените информации, подобрувањето на нивната комуникација започнало уште неколку месеци претходно, при што адвокатот Премовиќ имал значајна посредничка улога.
