Во зимската сезона е важно исхраната да се прилагоди на свежа, сезонска и локално достапна храна, велат нутриционистите. Намирниците што не се во сезона често се со послаб квалитет, безвкусни и помалку хранливи.
Бриселско зелје наместо увезен аспарагус Аспарагусот може да се купи преку целата година, но неговиот најдобар вкус е напролет, кога е свеж и цврст. Увозниот аспарагус во зима често е дрвенест и безвкусен. Експертите препорачуваат бриселско зелје, кое е богато со витамин Ц за зајакнување на имунитетот и витамин К за здравјето на коските. Особено е вкусно кога се приготвува со домашна сланина.
Цитрусни овошја како алтернатива за зимски праски Летните праски се најслатки и миризливи, додека зимските се претежно увезени и со полош вкус. Подобра опција се цитрусните овошја, како портокалите, кои се богати со витамин Ц и помагаат за одржување на имунитетот.
Замрзнат грашок и пченка наместо зимски верзии Пролетниот грашок е сладок и мек, а зимскиот често е брашнест и безвкусен. Замрзнатиот грашок, собран во сезона, ја задржува својата природна сладост. Слично е со пченката – летната е сочна и слатка, додека зимските кочани се тврди и безвкусни. Замрзнатата слатка пченка го зачувува лутеинот и другите хранливи материи.
Зимски јагоди и боровинки – замрзнати се подобри Зимските јагоди често се чуваат долго во фрижидер и го губат вкусот и хранливите материи. Подобра алтернатива се замрзнатите диви јагоди, набрани во шпицот на сезоната, идеални за колачи и десерти. Боровинките во зима се скапи, брзо се расипуваат и имаат помалку витамин Ц. Замрзнатите боровинки задржуваат речиси исто ниво на антиоксиданси како свежите.
Зимски домати – пасирани или органски верзии Доматите на крајот на летото се најсочни, додека зимските домати од фрижидер ја губат свежината и ликопенот. Подобра опција се излупените или пасираните домати, особено органските, без конзерванси.
Следењето на овие препораки помага зимската исхрана да биде поздравa, вкусна и со поголема нутритивна вредност.
