Министерството за социјална политика, демографија и млади соопшти дека денеска, 6 февруари 2026 година, започна исплатата на паричните права од социјална, детска и цивилна заштита за месец јануари 2026 година.
Корисниците кои располагаат со дебитна картичка средствата можат да ги користат веднаш – преку подигнување готовина од банкоматите, безготовинско плаќање во трговската мрежа, како и преку електронско и мобилно банкарство.
Воедно, и граѓаните кои не користат платежни картички од денеска можат да ги подигнат своите средства директно на шалтерите во сите отворени филијали и експозитури на банките.
Од Министерството потсетуваат дека исплатата се реализира континуирано и апелираат корисниците да ги користат достапните електронски услуги со цел да се избегне непотребна гужва.
