Тешка сообраќајна несреќа со трагичен исход се случила ноќеска на влезот во струмичкото село Секирник.
Според информациите од МВР, околу 01:30 часот патничко возило „ренџ ровер“ со струмички регистарски ознаки, управувано од 39-годишниот М.И. од Ново Село, удрило во 47-годишниот пешак Ѓ.К. од Секирник.
На местото пристигнала екипа на Итната медицинска помош, но лекар констатирал смрт кај пешакот.
Возачот бил лишен од слобода и задржан во Полициската станица во Струмица.
Увид на местото извршиле јавен обвинител и екипа на СВР Струмица, а се преземаат мерки за целосно утврдување на причините и околностите под кои се случила несреќата.
