Полицијата во Велес приведе 51-годишен жител на градот, осомничен за кражба од викенд куќа, информираат од СВР Велес.
Кражбата била пријавена на 3 јануари 2026 година околу 10:20 часот, по што полициските службеници веднаш реагирале и го идентификувале сторителот. Според официјалните информации, осомничениот одзел паричник со пари и лични документи, сопственост на 52-годишен велешанец.
По преземените мерки, украдените предмети биле пронајдени и вратени на сопственикот. Лицето е задржано во полициска станица, а за настанот е известен јавен обвинител.
По целосно расчистување на случајот ќе следува соодветна кривична пријава.
