Подводна снимка направена од подморница ги преплаши љубителите на морските мистерии. На видеото се гледа суштество кое, на прв поглед, изгледа како праисториско чудовиште.
Во првите секунди, не може јасно да се види што се случува, додека големи облаци песок се креваат од морското дно. Потоа се појавува огромна глава на ајкула, која лови помало морско суштество и потоа мирно се лизга покрај прозорецот на подморницата.
Екипажот на каналот „Океан-Икс“ (OceanX) реагирал со изненадување, дури и на шега коментирајќи дека ајкулата „може да изеде топ“, бидејќи е „поголема од подморницата“.
Снимката е направена за време на научна мисија организирана од Институтот на Кејп Елеутера, каде што научниците успешно поставиле сателитска ознака на женска ајкула, овозможувајќи го следењето на нејзиното движење.
„Нашата цел беше ајкула од длабокото море со шест жабри – вид постар од повеќето диносауруси и доминантен предатор на екосистемите во длабокото море“, појаснуваат научниците.
Овие ајкули можат да пораснат до шест метри и да достигнат тежина од околу 500 килограми, а поголемите единки можат да надминат и еден тон.
