Српскиот државјанин Стефан Ивановиќ трагично загина во пожар во бар во Кран Монтана, Швајцарија, додека се обидувал да спаси други луѓе. Веста за неговата храброст ја потресе Србија, регионот и Европа.
Стефан работеше како агент за обезбедување и кога избувнал пожарот, наместо да побегне, се фрлил во огнот обидувајќи се да евакуира што е можно повеќе лица. Со својата несебична постапка тој успеа да спаси многу животи, но го загуби својот.
Неговото семејство остана скршено од загубата на син, брат и сакана личност. За да му се оддаде последна почит и да се помогне во транспортот на телото во Србија, швајцарската фондација „Хепи пот“ започна кампања за собирање средства. Фондацијата ќе ги покрие трошоците за транспорт и погреб, со цел семејството да има поддршка во ова тешко време.
За време на Нова година, пожарот во барот во Кран Монтана однесе 40 животи, а 119 лица беа повредени. Меѓу присутните биле и пет српски државјани, од кои четворица се повредени и се лекуваат во Германија.
Сите кои сакаат да помогнат можат да донираат преку веб-страницата на фондацијата „Хепи пот“.
