Вечерва се случи сообраќајна несреќа на автопатот во близина на патарината Петровец. Засега нема официјални информации за здравствената состојба на возачите и патниците, но на возилата е забележлива значителна материјална штета.
Поради несреќата, полицијата затвори една од сообраќајните ленти, а сообраќајот се одвива отежнато додека се чека да започне увид на местото на настанот. Од спротивната страна на автопатот забележани се неколку паркирани возила.
Дополнително, на оваа делница е присутна густа магла која значително ја намалува видливоста, поради што надлежните апелираат возачите да бидат особено внимателни и да ја прилагодат брзината на условите на патот.
