Незапаметен случај ја потресе Србија, откако 44-годишен маж од Уб е уапсен под сомнение дека му дал наполнет пиштол на својот десетгодишен син и му наредил да пука во неговиот деловен партнер.
Според првичните информации, на инцидентот му претходувала жестока расправија меѓу двајцата бизнис-партнери поради долг и поделба на заработката од сечење дрва.
Се сомничи дека во еден момент таткото му го предал оружјето на своето десетгодишно дете и му наредил да пука кон 25-годишниот М.Р.
Младиот човек бил погоден во пределот на рацете. Тој е повреден, но според достапните информации се наоѓа надвор од животна опасност.
По инцидентот, десетгодишното дете било преземено од надлежниот Центар за социјална работа. Пиштолот бил пронајден и испратен на вештачење.
На 44-годишниот татко му е одреден притвор, додека случајот го истражува надлежното Вишо јавно обвинителство.
