Шокантна семејна драма ја потресе престолнината – 17-годишно момче се обидело да го убие својот татко во дом на улицата „Христијан Тодоровски Карпош“ во Скопје. Според соопштението на Основното јавно обвинителство, тинејџерот со остар предмет му нанел дури десет убодни рани на татко му додека тој лежел во спалната соба.
Нападот се случил од зад грб, а целиот чин се одиграл со намера за убиство. Она што спречило уште поголема трагедија е храброста на мајката, која успеала да го оттурне својот син од сопругот и веднаш повикала брза помош.
Таткото бил итно пренесен на Клиничкиот центар „Мајка Тереза“ и подложен на оперативен зафат. Неговата состојба е сè уште критична и животот му е загрозен, потврдуваат лекарите.
Надлежниот јавен обвинител веќе побарал поведување постапка за кривично дело „Убиство во обид“ во рамки на семејно насилство, а за малолетникот е предложена мерка притвор.
Скопје е во неверување по овој крвав семеен инцидент, кој ја потресе јавноста со својата бруталност.
