Двајца жители на скопско Идризово се приведени поради агресивно однесување кон продавачка во маркет, а потоа и физички напад врз соселанец кој се обидел да ја заштити.
Според МВР, на 22 август во 22:30 часот, полициски службеници од СВР Скопје ги лишиле од слобода И.Х. (25) и А.Х. (20).
Тие, според пријавата, најпрво се однесувале агресивно кон вработената во маркет во Идризово. Потоа физички го нападнале и И.О. (41) од истото село, при што употребиле и тврд предмет, откако тој им кажал да престанат со таквото однесување кон продавачката.
Двајцата се задржани во полициска станица, а по целосното документирање на случајот против нив ќе следува соодветна пријава, соопшти МВР.
