ОВР Струга поднесе кривична пријава против 48-годишниот Г.М. од селото Подмоље, во општина Дебрца, поради сомнение за сторено кривично дело „предизвикување општа опасност“.
Според полициските информации, инцидентот се случил на 30 октомври на улицата „Маркс – Енгелсова“ во Струга, кога осомничениот од патничко возило марка „Пежо“ со охридски регистарски ознаки, употребил огнено оружје. Со пиштол од марката „Взор“, калибар 7,65 милиметри, тој испукал повеќе истрели во правец на стан во сопственост на лице од Струга.
Случајот е целосно документиран и доставен до надлежното обвинителство.
