ОВР Кавадарци поднесе кривична пријава против 70-годишниот Р.Н. од Кавадарци поради сомнение дека сторил кривично дело „оштетување и неовластено навлегување во компјутерски системи“.
Според информациите од Министерството за внатрешни работи, 70-годишникот претходно пронашол туѓ паричник во кој имало платежна картичка.
Наместо да ја врати картичката, на 5 август 2026 година, без дозвола и согласност од сопственикот, ја употребил за плаќање.
Како што соопшти полицијата, со туѓата платежна картичка извршил вкупно четири плаќања.
На овој начин се стекнал со противправна имотна корист во вкупен износ од 3.729 денари.
Против него е поднесена соодветна кривична пријава.
