Претседателката на Либерално-демократската партија (ЛДП), Марија Зајкова, информираше дека е подготвена петиција со која се бара воведување електронски алки за следење на сторителите на насилство.
Како што посочи Зајкова, иницијативата е подготвена по барање на граѓаните, а нејзината цел е воведување дополнителна мерка за следење на лицата кои вршат насилство.
Таа упати повик до граѓаните да ја поддржат иницијативата и да ја потпишат петицијата, со што би дале поддршка за воведување на оваа мерка.
Предлогот се однесува на користење електронски алки преку кои би се овозможило следење на сторителите на насилство.
