Битолчанец бил приведен откако полицијата утврдила дека управувал автомобил под дејство на екстремно висока концентрација на алкохол. При проверката било измерено дури 3,50 промили алкохол во крвта.
Според информациите од Министерството за внатрешни работи, случајот се случил на 9 ноември, во 02:41 часот, на улицата „Партизанска“ во Битола. Полициски службеници запреле патничко возило „мерцедес“ со битолски регистарски ознаки.
При извршената контрола било утврдено дека зад воланот се наоѓал 30-годишниот Х.Ј. од Битола, а алкотестот покажал дека во крвта имал 3,50 промили алкохол.
Поради управувањето со возило под дејство на алкохол, тој бил лишен од слобода и приведен во полициска станица.
Од МВР информираат дека по целосното документирање на случајот против него ќе биде поднесена соодветна пријава.
