Сериозен инцидент се случил вечерва околу 19 часот на автопатот кај Пинова Вила во Зрењанин, каде бил нападнат млад човек.
Според неофицијалните информации што ги пренесуваат српските медиуми, момчето било извлечено од автомобил марка БМВ, по што било повеќепати избодено со остар предмет.
На местото на настанот веднаш пристигнале полициски екипи и Брза помош.
Повредениот бил итно пренесен во Ургентниот центар на болницата во Зрењанин.
Неговата здравствена состојба засега не е официјално соопштена.
Полицијата го обезбедила местото на настанот, а истрагата продолжува со цел да се утврдат сите околности под кои се случил нападот, како и идентитетот и мотивот на напаѓачот или напаѓачите.
Повеќе детали се очекуваат по официјално соопштение од надлежните институции.
