Австрија е во шок по мистериозното исчезнување на 32-годишната инфлуенсерка Стефани Пипер од Грац. Последен пат била видена во недела наутро, по враќањето од божиќна забава. Планираната фотосесија не ја посетила, а исчезнувањето било пријавено вечерта.
Само ден подоцна, истрагата драматично се прошири: нејзиното момче, 31-годишниот Петер М., е уапсен во Словенија, откако неговиот автомобил бил пронајден изгорен на паркинг кај границата.
Но тука не завршуваат сомнежите – полицијата ги приведе и неговиот брат и очув, а се претресуваат куќи и шумски области во близина на границата.
Сведок тврди дека го видел осомничениот во зградата на инфлуенсерката наутро пред исчезнувањето – што само ја продлабочува мистеријата.
Потрагата продолжува, а стравувањата од најлошо сценарио се зголемуваат.
